القياس الارسطى فيديو

 

علشان نفهم القياس لازم نكون فاهمين كويس قوى ثلاثة اشياء

اولا : تعيين الموضوع والمحمول يعنى تحديد الموضوع والمحمول

مثال : الشوارع الواسعة مريحة 

الموضوع هنا الشوارع الواسعة

والمحمول هنا مريحة

والناس الشاطرين فى اللغة العربية بنقولهم

ان الموضوع هو المبتدأ والحمول هو الخبر

ثانيا : الشئ المهم الثانى اللى لازم نكون متمكنين منه هو

تعيين الكم والكيف يعنى تحديد الكم والكيف

مثال : كل الاقمار الصناعية لها عمر محدد

هذه القضية كلية موجبة 

يعنى الكم هو كلية والكيف هو موجبة

وبالمرة نقول الموضوع والمحمول مش خاسرنين حاجة

الموضوع هو الاقمار الصناعية 

والمحمول هو لها عمر محدد

دلوقتى طالب يسأل ازاى عرفنا ان القضية كلية موجية

حنقول له من السور

حيسأل يعنى ايه سو

حنقول له الاتى

كلية موجبة السور بتاعها هو ( كل و جميع كافة وعامة الخ )

فاضل شئ واحد هو الاستغراق

يعنى نقول الشئ الثالث اللى لازم نعرف هو الاستغراق

وده حنشرحه لوحده مستقل

القياس الارسطى اربع اشكال المقرر شكل واحد هو الشكل الاول 

والشكل الاول يتكون من اربع ضروب وكأنهم اولاده ابناء الشكل الاول

تعريف الشكل الاول يكون بالحد الاوسط

فالحد الاوسط فيه موضوع كبرى محمول صغرى

اذن الشكل يحدده الحدود

وانواع الحدود فى القياس الحد الاكبر والحد الاصغر والحد الاوسط

ونقول تانى الشكل يحدده الحدود الثلاثة فإذا كان الحد الاوسط موضوع كبرى محمول صغرى فنحن اذن نتحدث عن الشكل الاول

اما الضروب فيحددها الكم والكيف